من طرف الكلاشنكوف الثلاثاء ديسمبر 15, 2009 11:14 pmمباراة القصيم ستي والحوطه يونايتد ( يوم تبادلوا الفنايل بين الشوطين )
السلام عليكم _
اقيم فجر يوم الخيطي بيطي الفائت ( اللي مايعرف الخيطي بيطي يرعص هنا ) الموافق السابع من اذار مارس اللي وراء البطحاء مباراه ثاريه بين فريقي القصيم ستي والحوطه يونايتد وقد وافانا مراسلنا اخضير الاشعاع
بالتقرير التالي
_ _ _ _ _ _
قبل المباراة
_ _ _ _ _ _
قامت لجنة مختبر الحوطه بالكشف عن المنشطات ( قبل المباراة ) وقد وقعت القرعه على مدربي الفريقين والحكم للخضوع للفحص
وقد ثبت ارتفاع نسبة الكليجو لازما
في دم مدرب القصيم سيتي مما ادى لا ستبعاده عن المباراه وقد صرح مدرب فريق الحوطه راشد الجفره بان المباراه بالنسبة لهم تحصيل حاصل ( يسمع به ومايدري وشي ولا المباراة على الكاس ) هذا وقد منع عدد كبير من جمهور القصيم ستي من الدخول الى الحوطه بتهمة اثارة الشغب
اثناء المباراه
صفر الحكم معلنا انطلاق المباراه والتي تاخرت بدايتها بسبب ان لا عب
فريق القصيم ستي احمد الاقرع عيا لايطلع ويبي يلعب غصب والا يبي يخرب المباراة وحيث ان الاقرع
مشهور بقوته الجسمانيه حيث انه يغير كفر السياره اذا بنشر بدون مفك عجل او عفريته يفك الصواميل بيدينه ويرفع السياره ويسدحه على ظهره كنها ذبيحه الين تخلص ثم يرجعها مره ثانيه ...
امام هذا الموقف قرر الفريقان ان يلعب كل منهما باثني عشر لاعبا .
خلال الخمس عشرة دقيقه الاولى
من المباراه سجل فريق الحوطه عشرة اهداف ...
الفريقين يلعبون بدحديره ...
وعند الدقيقه ثلاثين ضربة جزاء لفريق الحوطه يونايتد نتيجة ان لاعب القصيم ستي راشد ابو خشم شات الكوره وانطلقت جزمته ولا رده الا خشة كابتن فريق الحوطه
اسعيدان التمياط ...احتج فريق القصيم على ضربة الجزاء خصوصا
ان النتيجه كانت 24 / صفر وساد الهرج والمرج ونزل الجمهور الى الملعب وبدو يتبطحون على الملعب ويسولفون الين تخلص المشكله المهم اتفق الفريقين ان البلنتي ينحسب حيث كان الاتفاق نتيجة الذكاء المفرط لحارس فريق القصيم ستي عزيز بروسلي /. من وين ذا حيث اقترح ان البلنتي يحسب للحوطه على القصيم بس بشرط يشوته لاعب فريق القصيم !!!
وافق الفريقان ورشح القصمان سعود ابو نشقه انه يشوته وفعلا شاته على حارسهم وحطه بالثمانينات قووووووووووول
بعدها زعلوا عليه القصمان وباعوه ستوكات لفريق جيزان ليفاركوزن الالماني ...
بعدها اطلق الحكم صافرته معلنا نهاية الشوط الاول بتفوق فريق الحوطه يونايتد بنتيجة 38 / صفر
_ _ _ _ _
بين الشوطين
_ _ _ _ _
طبعا الفريقين متأثرين بكأس العالم وقرروا يثبتون انهم اخلاق ويتبادلون الفنايل بين الشوطين نسوا انه به شوط ثاني ..
وفعلا تبادل الفريقان القمصان ( الفنايل ) و يوم تفصخوا بانت الشقوق والجروح والبلاوي وهالكويات مالية بطونهم كما قام ابناء الحوطه للتعبير عن كرمهم بمط ( يعني بمد ) بسط المفاطيح في ارضية الملعب حيت قام الاعبون والجمهور بالدق الين قالوا بس
الشوط الثاني
يوم بغوا يسنترون للشوط الثاني الا المسجد يذن المغرب ..
لاحول وش السوات المباراة باقي فيها شوط مابعد خلص والدحديره مع القصمان يعني اكيد يبي يقلبون النتيجه فاجتمعت ادارة الفريقن لحل هذ المعضله
طبعا وكالعاده منقذهم في هذه الحاله اعزيز ابروسلي اذكى لاعبين الفريقين طبعا هو طلب منهم بدل تفكير وعطوه اللي يبي واقترح عليهم انهم يتقاسمون اهداف الشوط الاول وتصير النتيجه 19 / 19 ويلعبون بلنتيات .. اعجبتهم الفكره وقرروا تنفيذه بس المشكله انهم يوم جو ينفذونهن تلخبطوا بين اللاعبين لانهم متبادلين الفنايل بين الشوطين فقرروا اعتبار المباراه تعادل ويأخذ فريق القصمان ستي الكاس وياخذ فريق الحوطه يونايتد الميداليات وطقم الفنايل حق القصمان ..
وهكذا انتهت المباراة على افضل وجه دون اية اصابات او خساير وطلع الفريقين حبايب .
السلام عليكم _
اقيم فجر يوم الخيطي بيطي الفائت ( اللي مايعرف الخيطي بيطي يرعص هنا ) الموافق السابع من اذار مارس اللي وراء البطحاء مباراه ثاريه بين فريقي القصيم ستي والحوطه يونايتد وقد وافانا مراسلنا اخضير الاشعاع
بالتقرير التالي
_ _ _ _ _ _
قبل المباراة
_ _ _ _ _ _
قامت لجنة مختبر الحوطه بالكشف عن المنشطات ( قبل المباراة ) وقد وقعت القرعه على مدربي الفريقين والحكم للخضوع للفحص
وقد ثبت ارتفاع نسبة الكليجو لازما
في دم مدرب القصيم سيتي مما ادى لا ستبعاده عن المباراه وقد صرح مدرب فريق الحوطه راشد الجفره بان المباراه بالنسبة لهم تحصيل حاصل ( يسمع به ومايدري وشي ولا المباراة على الكاس ) هذا وقد منع عدد كبير من جمهور القصيم ستي من الدخول الى الحوطه بتهمة اثارة الشغب
اثناء المباراه
صفر الحكم معلنا انطلاق المباراه والتي تاخرت بدايتها بسبب ان لا عب
فريق القصيم ستي احمد الاقرع عيا لايطلع ويبي يلعب غصب والا يبي يخرب المباراة وحيث ان الاقرع
مشهور بقوته الجسمانيه حيث انه يغير كفر السياره اذا بنشر بدون مفك عجل او عفريته يفك الصواميل بيدينه ويرفع السياره ويسدحه على ظهره كنها ذبيحه الين تخلص ثم يرجعها مره ثانيه ...
امام هذا الموقف قرر الفريقان ان يلعب كل منهما باثني عشر لاعبا .
خلال الخمس عشرة دقيقه الاولى
من المباراه سجل فريق الحوطه عشرة اهداف ...
الفريقين يلعبون بدحديره ...
وعند الدقيقه ثلاثين ضربة جزاء لفريق الحوطه يونايتد نتيجة ان لاعب القصيم ستي راشد ابو خشم شات الكوره وانطلقت جزمته ولا رده الا خشة كابتن فريق الحوطه
اسعيدان التمياط ...احتج فريق القصيم على ضربة الجزاء خصوصا
ان النتيجه كانت 24 / صفر وساد الهرج والمرج ونزل الجمهور الى الملعب وبدو يتبطحون على الملعب ويسولفون الين تخلص المشكله المهم اتفق الفريقين ان البلنتي ينحسب حيث كان الاتفاق نتيجة الذكاء المفرط لحارس فريق القصيم ستي عزيز بروسلي /. من وين ذا حيث اقترح ان البلنتي يحسب للحوطه على القصيم بس بشرط يشوته لاعب فريق القصيم !!!
وافق الفريقان ورشح القصمان سعود ابو نشقه انه يشوته وفعلا شاته على حارسهم وحطه بالثمانينات قووووووووووول
بعدها زعلوا عليه القصمان وباعوه ستوكات لفريق جيزان ليفاركوزن الالماني ...
بعدها اطلق الحكم صافرته معلنا نهاية الشوط الاول بتفوق فريق الحوطه يونايتد بنتيجة 38 / صفر
_ _ _ _ _
بين الشوطين
_ _ _ _ _
طبعا الفريقين متأثرين بكأس العالم وقرروا يثبتون انهم اخلاق ويتبادلون الفنايل بين الشوطين نسوا انه به شوط ثاني ..
وفعلا تبادل الفريقان القمصان ( الفنايل ) و يوم تفصخوا بانت الشقوق والجروح والبلاوي وهالكويات مالية بطونهم كما قام ابناء الحوطه للتعبير عن كرمهم بمط ( يعني بمد ) بسط المفاطيح في ارضية الملعب حيت قام الاعبون والجمهور بالدق الين قالوا بس
الشوط الثاني
يوم بغوا يسنترون للشوط الثاني الا المسجد يذن المغرب ..
لاحول وش السوات المباراة باقي فيها شوط مابعد خلص والدحديره مع القصمان يعني اكيد يبي يقلبون النتيجه فاجتمعت ادارة الفريقن لحل هذ المعضله
طبعا وكالعاده منقذهم في هذه الحاله اعزيز ابروسلي اذكى لاعبين الفريقين طبعا هو طلب منهم بدل تفكير وعطوه اللي يبي واقترح عليهم انهم يتقاسمون اهداف الشوط الاول وتصير النتيجه 19 / 19 ويلعبون بلنتيات .. اعجبتهم الفكره وقرروا تنفيذه بس المشكله انهم يوم جو ينفذونهن تلخبطوا بين اللاعبين لانهم متبادلين الفنايل بين الشوطين فقرروا اعتبار المباراه تعادل ويأخذ فريق القصمان ستي الكاس وياخذ فريق الحوطه يونايتد الميداليات وطقم الفنايل حق القصمان ..
وهكذا انتهت المباراة على افضل وجه دون اية اصابات او خساير وطلع الفريقين حبايب .
